Is die .22 nog 'n kaliber om te koop?

Het jy al ooit ’n .22-storie gehoor? Natuurlik het jy!

Ons almal ken daai ou om die vuur wat vertel hoe sy oupa in een seisoen 24 vlakvarke met ’n .22 gejag het. Ons het al gehoor van jou neef wat sy kinders leer skiet met ’n houtkolf .22. En wie het nie al geluister na die man wat sy sente tel en sy AR-22 gebruik om plaatjies te klap nie? Van blikkies op 100 meter tot preppers wat kaste vol .22 ammo bêre – die stories is eindeloos.

Maar die groot vraag is nie of die stories waar is nie. Die vraag is: is daar steeds plek vir ’n .22 in ons moderne kluise en jagvelde? Of, meer gevaarlik gestel: het jy regtig nóg ’n .22 nodig?

Die .22 – oud maar goud

Die .22 LR (5.7×15mm) is ’n legende. Sy debuut was al in 1887, en tot vandag toe is dit een van die gewildste en mees vervaardigde patrone in die wêreld. Waarom? Want dit is veelsydig soos min:

• Sagte knal of harde knal.
• Naby of ver.
• Vinnig of stadig.
• Spekskiet of kompetisie.

En die beste deel? Dit’s goedkoop. (Kom ons wees eerlik – goedkoper as vleis die laaste tyd!)

Waarom elke skut ’n .22 moet hê

Die .22 is ’n randvuur patroon met byna geen terugskop. Dis presies hoekom dit ideaal is om kinders te leer skiet – en sommer ook jou eie akkuraatheid weg te steek as jy weer roes opgetel het. Dit word gebruik vir kompetisie, jag van kleiner wild, papier teiken, of sommer net om jou tjommies uit te daag.

Dit gee jou altyd pret, altyd ’n whiff van buskruit in die neus, en altyd daai jagter-selfvertroue wanneer jy oor die visier kyk en ’n blikkie op sy plek sit. En omdat ammunisie so bekostigbaar is, kan ons dit amper stout noem om nie een in jou kluis te hê nie.

Die Sons of Guns siening

By Sons of Guns glo ons elke skut moet ten minste een .22 hê – nie net vir die praktiese rede nie, maar ook vir die stories wat daarmee saam kom. Want om eerlik te wees, om die vuur klink jou jag- of skietstories altyd beter as daar ’n .22 in die mengsel is.

So, stap gerus by SOG in – kom kyk wat’s nuut in die wêreld van die .22, en kom vertel ons jou eie gunsteling .22-storie. Ons belowe, ons sal luister… en dalk ’n storie of twee teruggooi!

Geskryf deur:

Terso Combrinck